کبڈی ورلڈ کپ 2020ء میں شاندار کارکردگی کا مظاہرہ کرنے والے پنجاب پولیس کے کھلاڑیوں نقد انعام اور تعریفی اسناد سے نوازا گیا

کبڈی ورلڈ کپ 2020ء میں شاندار کارکردگی کا مظاہرہ کرنے والے پنجاب پولیس کے کھلاڑیوں نقد انعام اور تعریفی اسناد سے نوازا گیا

پیٹرن پولیس کبڈی ٹیم ڈی آئی جی فیصل رانا نے کہا ہے کہ آئی جی پنجاب شعیب دستگیر کی ہدایت اور ویژن کے مطابق پولیس فورس میں موجود کھلاڑیوں کی بہترین سرپرستی کے ساتھ حوصلہ افزائی کیلئے اقدامات جاری ہیں تاکہ یہ کھلاڑی ملکی و بین الاقوامی سطح پر ہونے والے مقابلوں میں بہترین کارکردگی سے محکمے کی عزت و توقیر میں اضافہ کیلئے سرگرم رہیں۔

کبڈی ورلڈ کپ 2020کی پاکستانی ٹیم میں شامل پنجاب پولیس کے کھلاڑیوں کی شاندار پرفارمنس پوری فورس کیلئے باعث فخراور حوصلہ افزاء ہے اور امید ہے کہ کھلاڑی اسی جوش و جذبے کے ساتھ مستقبل میں بھی کاوشیں جاری رکھیں گے۔ ان خیالات کا اظہار انہوں نے سنٹرل پولیس آفس میں پاکستان کبڈی ٹیم کے ہیڈ کوچ اے ایس آئی طاہر وحیدجٹ اورہونہار کھلاڑی کانسٹیبل کلیم اللہ جٹ سے ملاقات کے دوران گفتگو کرتے ہوئے کیا۔

دونوں کھلاڑیوں کا تعلق پنجاب پولیس سے ہے اور انہوں نے بھارت کے خلاف کبڈی ورلڈ کپ 2020فائنل میچ کی تاریخی فتح میں اہم کردار ادا کیا تھا۔آئی جی پنجاب شعیب دستگیر کی طرف سے پیٹرن پولیس کبڈی ٹیم ڈی آئی جی فیصل رانا نے دونوں کھلاڑیوں کو فی کس ڈیڑھ لاکھ روپے اور تعریفی اسناد دیں۔ ڈی آئی جی فیصل رانانے کھلاڑیوں کو ہدایت کی کہ آئندہ مقابلوں کی تیاری کیلئے وہ بھرپور محنت اور لگن کے ساتھ باقاعدگی کے ساتھ پریکٹس کا سلسلہ جاری رکھیں اور اپنی پوری توجہ بہتر سے بہتر نتائج حاصل کرنے پر مرکوز رکھیں۔

انہوں نے مزیدکہا کہ دوران سروس کھیلوں میں کامیابیاں حاصل کرنے والے سپورٹس مین محکمہ پولیس کا قابل فخرسرمایہ ہیں جنہیں سہولیات کی فراہمی کیلئے تمام دستیاب وسائل کوبروئے کار لایا جائے گا۔ دوران ملاقا ت اے ایس آئی طاہر وحیدجٹ اور کانسٹیبل کلیم اللہ جٹ نے آئی جی پنجاب کا شکریہ ادا کرتے ہوئے سخت محنت جاری رکھنے کے عزم کا اظہار کرتے ہوئے یقین دلایا کہ وہ اپنی تمام تر صلاحیتوں کو بروئے کار لاتے ہوئے پنجاب پولیس کا نام روشن کرنے کیلئے ہمیشہ کوشاں رہیں گے۔اس موقع پر اے آئی جی لاجسٹکس اطہر اسماعیل بھی موجود تھے۔

Related posts

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے